ԲԱՐԳԱՎԱՃ ՀԱՅԱՍՏԱՆ ԿՈՒՍԱԿՑՈՒԹՅԱՆ ԲԼՈԳ

«ԲԱՐԳԱՎԱՃ ՀԱՅԱՍՏԱՆ» ԿՈՒՍԱԿՑՈՒԹՅԱՆ ՆԱԽԱԳԱՀ ԳԱԳԻԿ ԾԱՌՈՒԿՅԱՆԻ ՈՒՂԵՐՁԸ ԱՆԿԱԽՈՒԹՅԱՆ ՕՐՎԱ ԱՌԻԹՈՎ

bargavach — Wed, 21 Sep 2011 10:59:14 +0000

Սիրելի հայրենակիցներ,
ջերմորեն շնորհավորում եմ Ձեզ Հայաստանի Հանրապետության անկախության 20-ամյակի կապակցությամբ:

Ազատությունն ու անկախությունը անփոխարինելի արժեքներ են, որոնց համար հայ ժողովուրդը չափազանց թանկ գին է վճարել: Մեր պատմության ընթաքում մենք միշտ պայքարել ենք հանուն անկախության, պատմական յուրաքանչյուր պահն օգտագործել ենք հայոց անկախ պետականությունը վերականգնելու համար: Ուղիղ 20 տարի առաջ մեր ժողովրդի կամքի և համառության, խիզախության և հերոսության գնով մենք ձեռք բերեցինք բաղձալի անկախությունը, արյան գնով պաշտպանեցինք մեր տունը, մեր օջախը, մեր ազատությունն ու անկախությունը:

Անկախության 20 տարիների ընթացքում մեր հասարակության մեջ, մեր կյանքում ու մեր երկրում շատ փոփոխություններ են տեղի ունեցել: Շատ արժեքներ են փոխվել, սակայն մի բան մեր մեջ պետք է մնա անփոփոխ ու անսասան` դա սերն ու անմնացորդ նվիրումն է մեր հայրենիքի ու ժողովրդի հանդեպ: Յուրաքանչյուր հայ պետք հպարտանա իր երկրով, իր ժողովրդով, իր պետությամբ և պետականւթյամբ:

Սիրելի հայրենակիցներ,
նորից ու նորից շնորհավորելով բոլորիս այս կարևոր հոբելյանի կապակցությամբ, մաղթում եմ մեր պետությանն ու ժողովրդին խաղաղություն, բարեկեցություն և բարգավաճում:

«Բարգավաճ Հայաստան» կուսակցության
նախագահ Գագիկ Ծառուկյան

ԿԱՅԱՑԱՎ «ՊԻԵՍՆԵՐ ԴԱՇՆԱՄՈՒՐԻ ՀԱՄԱՐ» ՁԱՅՆԱՍԿԱՎԱՌԱԿԻ ՇՆՈՐՀԱՆԴԵՍԸ

bargavach — Tue, 20 Sep 2011 15:12:21 +0000

Սեպտեմբերի 19-ին Արամ Խաչատրյանի տուն-թանգարանում տեղի ունեցավ երգահան Գեորգի Սարաջյանի «Պիեսներ դաշնամուրի համար (Pieces for piano)» ձայնասկավառակի հանդիսավոր շնորհանդեսը:

Այն թողարկվել է «Գագիկ Ծառուկյան» բարեգործական հիմնադրամի «Հեռանկար» ծրագրի հովանավորությամբ:

Միջոցառմանը մասնակցում էր նաև Կոմիտասի անվան պետական կոնսերվատորիայի «Կոմիտաս» երգչախումբը, որը «Գագիկ Ծառուկյան» հիմնադրամի աջակցությամբ ս.թ. հունիսին մասնակցել է Բաթումիում տեղի ունեցած 10-րդ միջազգային փառատոնին և վերադարձել է «Գրան Պրի» մրցանակով:

Միջոցառմանը ելույթ ունեցավ տիկին Ջավահիր Ծառուկյանը: Նա ելույթում նշեց, որ «Հեռանկար» ծրագրի շրջանակներում շարունակվելու է աջակցության ցուցաբերումը արվեստի և մշակույթի բոլոր ոլորտներին:

ԴԱՍԱԿԱՆ ԵՐԱԺՇՏՈՒԹՅԱՆ ԱՄԻՍ ՀԱՅ ԴՊՐՈՑԱԿԱՆՆԵՐԻ ՀԱՄԱՐ

bargavach — Sat, 17 Sep 2011 07:33:32 +0000

«Բարգավաճ Հայաստան» կուսակցության նախաձեռնությամբ և «Գագիկ Ծառուկյան» բարեգործական հիմնադրամի աջակցությամբ սեպտեմբերի 16-ին ֆիլհարմոնիայի «Արամ Խաչատրյան» համերգասրահում մեկնարկեց «Աշակերտների ֆիլհարմոնիա» դասական երաժշտության փառատոնը:

Ծրագրի շրջանակներում մեկ ամսվա ընթացքում Երևան քաղաքի բոլոր վարչական շրջանների շուրջ 15 հազար աշակերտների հնարավորություն կտրվի դասական երաժշտություն ունկնդրել:

Միջոցառման բացմանը ելույթ ունեցավ «Բարգավաճ Հայաստան» կուսակցության քաղխորհրդի անդամ, ԲՀԿ փոխնախագահ Սամվել Ադամյանը: Իր ելույթում պրն. Ադամյանը նշեց, որ ծրագիրը իրականացվում է «Բարգավաճ Հայաստան» կուսակցության միջոցառումների շրջանակներում՝ նվիրված Հայաստանի Հանրապետության անկախության 20-րդ տարեդարձին:

Պրն. Ադամյանը հանդիսատեսին փոխանցեց «Բարգավաճ Հայաստան» կուսակցության նախագահ Գագիկ Ծառուկյանի ողջույնի խոսքը և բարեմաղթանքները:

ԲԱՐԵԳՈՐԾԱԿԱՆ ՀԱՄԵՐԳ Ի ՕԳՆՈՒԹՅՈՒՆ ԷԼԵՆ ՔԱԼԱՇՅԱՆԻ

bargavach — Wed, 07 Sep 2011 18:48:46 +0000

Այսօր «Արամ Խաչատրյան» մեծ համերգասրահում տեղի ունեցավ բարեգործական համերգ ի օգնություն 31-ամյա Էլեն Քալաշյանի, ով հիվանդ է կրծքագեղձի քաղցկեղով: Համերգի կայացմանն օժանդակել էր նաև «Գագիկ Ծառուկյան» հիմնադրամը:

Ինչպես նշեցին «Գագիկ Ծառուկյան» հիմնադրամի ներկայացուցիչները` հիմնադրամը և ի դեմս «Բարգավաճ Հայաստան» կուսակցության նախագահ Գագիկ Ծառուկյանի մշտապես աջակցել է նման միջոցառումների իրականացմանը:

Համերգի ընթացքում անցկացվեց նաև դրամահավաք, որի ամբողջ հասույթը փոխանցվելու է Էլեն Քալաշյանի բուժմանը: Իր հերթին Էլեն Քալաշյանը երախտապարտության և շնորհակալական խոսք ուղեց համերգի կազմակերպիչներին մեծ աջակցության և դրամական օգնության համար` ցանկություն հայտնելով, որ այն նախադեպ դառնա նաև մյուս բարերարների համար:

Գագիկ Ծառուկյանը շնորհավորեց գիտելիքի և դպրության օրվա կապակցությամբ

bargavach — Thu, 01 Sep 2011 12:22:37 +0000

Գագիկ Ծառուկյանն այսօր մասնակցեց Երևանի Ֆիզիկական կուլտուրայի պետական ինստիտուտում արդեն իսկ ավանադական դարձած գիտելիքի և դպրության օրվան նվիրված հանդիսավոր միջոցառմանը:

ՀԱՕԿ նախագահը շնորհավորեց բոլորին ուսումնական տարվա մեկնարկի կապակցությամբ ՝ մաղթելով նրանց ուսման մեջ հաջողություններ, նորանոր հաղթանակներ և նվաճումներ: «Եթե մարդն առողջ է, ապա և ուժեղ է: Մենք պետք է ունենանք առողջ հասարակություն և լինենք միասնական: ՈԻժը միասնության մեջ է, որքան մեր ուսանողները ունենան միջազգային ճանաչում, այդքան մենք կլինենք ուժեղ և հզոր»,-նշեց ՀԱՕԿ նախագահը:

Իր հերթին բուհի ռեկտոր Վ.Առաքելյանը շնորհակալություն հայտնեց Գ.Ծառուկյանին այս օրը իրենց կողքին գտնվելու և մեծ աջակցություն ցուցաբերելու համար: «Եթե չկան լավագույն պայմաններ, չեն կարող լինել նաև լավագույն արդյունքներ, իսկ մենք այսօր ունենք այդ պայմաններն ի շնորհիվ Գ.Ծառուկյանի»,-հավելեց բուհ-ի ռեկտորը:

Այս տարի «Գագիկ Ծառուկյան» հիմնադրամի միջոցներով վերանորոգվել են բուհ-ի շուրջ մեկ տասնյակ լսարաններ, ամբողջովին կահավորվել է 2 համակարգչային կաբինետ, իսկ մարզումները ավելի բարձր մակարդակով անցկացնելու համար ՀԱՕԿ նախագահը բուհին նվիրեց մրցագորգ:

ԱՊՀ երկրների միջազգային երիտասարդական կրթական ֆորումն այսուհետ կդառնա ամենամյա

bargavach — Tue, 30 Aug 2011 21:38:09 +0000

Նախօրեին Ծաղկաձորում տեղի ունեցավ oգոստոսի 20-ին՝ ԲՀԿ նախագահ Գագիկ Ծառուկյանի հովանու ներքո մեկնարկած ԱՊՀ երկրների միջազգային երիտասարդական առաջին կրթական ֆորումի փակման պաշտոնական արարողությունը:

Փակմանը ներկա էին բարձաստիճան պաշտոնյաներ ինչպես Հայաստանից, այնպես էլ ԱՊՀ երկրներից: ԲՀԿ նախագահ Գագիկ Ծառուկյանը ողջունեց ֆորումի մասնակիցներին` պատրաստակամություն հայտնելով աջակցել նախաձեռնությունների և ծրագրերի իրականացմանը:

«Ես համոզված եմ, որ այս տաս օրվա ընթացքում երիտասարդները կարողացան լավ հանգստանալ, շփվել, ամրապնդել և զարգացնել ընկերական, բարեկամական կապերը», – նշեց ԲՀԿ առաջնորդը` հավելելով, որ լավ ընկերական և բարեկամական կապերի առկայության պայմաններում կյանքի բոլոր խոչընդոտներն ու խնդիրները դառնում են հաղթահարելի: Միաժամանակ նա նշեց, որ այսուհետ ԱՊՀ երկրների միջազգային երիտասարդական կրթական ֆորումը լինելու է ավանդական և անցկացվելու է յուրաքանչյուր տարի:

Փակման արարողությանն իրենց խոսքը հնչեցրեցին նաև բարձրաստիճան հյուրերն ու պատվիրակությունների անդամները, մասնավորապես Ռուսաստանի Դաշնության նախագահ Դմիտրի Մեդվեդևի խորհրդական Յուրի Մուրադովը, ով շնորհավորելով կազմակերպիչներին և մասնակիցներին ֆորումի հաջող անցկացման կապակցությամբ, ընդգծեց. «Նման ֆորումն առաջին անգամ է անցկացվում ԱՊՀ շրջանակներում և հնարավորություն է տալիս ընդհանուր քաղաքական անցյալով ակտիվ երիտասարդությանը գտնելու զարգացման ընդհանուր եզրեր` ներդնելով համագործակցության և փոխըմբռման նոր հիմնաքար: Այդ առումով կցանկանայի հատուկ շնորհակալություն հայտնել «Բարգավաճ Հայաստան» կուսակցության նախագահ Գագիկ Ծառուկյանին:

Հայաստանի Հանրապետությունում Ռուսաստանի Դաշնության Արտակարգ և Լիազոր դեսպան Վյաչեսլավ Կովոլենկոն, կարևորելով ֆորումի դերն ու նշանակությունն ԱՊՀ երիտասարդության ընդհանուր կապերի ամրապնդման և զարգացման գործում, բարձր գնահատեց ԲՀԿ նախագահ Գագիկ Ծառուկյանի անմիջական աջակցությունը ֆորումի կայացման գործում. «Այսօր, ի շնորհիվ Գագիկ Ծառուկյանի վերադառնում է այն ամենալավը, որը եղել է մեզ մոտ ոչ այնքան հեռու անցյալում: Խոսքն այն մեծ ուրախության մասին է, որը կիսում են այն մարդիկ, որոնք ցանկանում են կողք կողքի ապրել և շփվել միմյանց հետ, այն մարդիկ, որոնք ցանկանում են ծառայել ադ նպատակին հասնելու համար, և մենք այսօր այս ֆորումին մեր ուրախությամբ, էներգիայով և էմոցիաներով կիսեցինք այն: Եվ ես շատ ուրախ եմ այն ամենի համար, ինչ այսօր ես տեսա: Անկեղծ ասած` շատ անսպասելի էր ինձ համար նման ուրախության դրսևորումը, և ես կրկին անգամ կցանկանայի շնորհակալություն հայտնել պարոն Ծառուկյանին նման ընձեռնված հիանալի արարողության համար», – նշեց Կովոլենկոն: Ֆորումի պաշտոնական փակման ժամանակ մասնակիցներին հանձնվեցին նվերներ և հավաստագրեր:Միջոցառման ավարտին հայ էստրադայի հայտնի երգիչների մասնակցությամբ տեղի ունեցավ գեղեցիկ համերգ ,ապա՝ հրավառություն:

Հ.Գ. Օգոստոսի 20-30-նն առաջին անգամ Հայաստանում անցկացվեց «Ծաղկաձոր 2011» ԱՊՀ երկրների միջազգային երիտասարդական կրթական ֆորումը: Ֆորումն անցկացվեց 4 հերթափոխով և 4 ուղղություններով ` ԱՊՀ երիտասարդների համագործակցություն, Երիտասարդ քաղաքական գործիչներ, Սոցիալական ցանցեր և երիտասարդական քաղաքականություն, ԱՊՀ դիտորդներ: Ֆորումին մասնակցեցին 1200 երիտասարդներ և հյուրեր ԱՊՀ երկրների իշխող կուսակցությունների երիտասարդական թևերից և երիտասարդական հասարակական կազմակերպություններից: Ֆորումի ընթացքում կազմակերպվեցին դասընթացներ, սեմինարներ, շնորհանդեսներ, էքսկուրսիաներ, մրցույթներ, ժամանցային ծրագրեր:

Շարունակվում է ԱՊՀ երիտասարդների միջազգային կրթական ֆորումը

bargavach — Sat, 27 Aug 2011 13:33:05 +0000

Արդեն մի քանի օր է, ինչ Ծաղկաձորում «Բարգավաճ Հայաստան» կուսակցության նախագահ Գագիկ Ծառուկյանի հովանու ներքո շարունակվում է ԱՊՀ երիտասարդական միջազգային կրթական ֆորումը: Ֆորումին մասնակցում են մոտ 1200 երիտասարդներ Հայաստանից և ԱՊՀ-ի տարբեր երկրներից:

Ֆորումն անցնում է ակտիվ միջոցառումների, լեկցիաների և տարբեր թեմատիկ քննարկումների համատեղությամբ: Լեկցիաները, որոնք հիմնականում ուղղված են ներկայիս քաղաքական գործընթացներում երիտասարդների դերի բացահայտմանը և իմաստավորմանը, անցկացվում են ամեն օր: Այս լեկցիաների ընթացքում ֆորումի տարբեր երկրների մասնակիցները կիսվում են ինչպես իրենց մտքերով և գաղափարներով, այնպես էլ իրենց սեփական փորձով, իրենց հայրենիքում ընթացող գործընթացների և դրանցում երիտասարդության ներգրավման օրինակներով:

Բացի նման թեմատիկ քննարկումներից` անց են կացվում ամենատարբեր միջացառումներ, որոնք նպատակ ունեն ավելի ակտիվացնել շփումները երիտասարդների միջև և ամրապնդել նրանց միջև կապերը: Այս նպատակով ամեն օր կազմակերպվում են ինտելեկտուալ խաղեր, «Brain-Ring»-եր և այլն:

Իսկ ինչ երիտասարդական ֆորում հանգստյան գոտում առանց սպորտային միջոցառումների: Յուրաքանչյուր օր այստեղ տեղի են ունենում ամենատարբեր սպորտային մրցույթներ. ֆուտբոլ, վոլեյբոլ, ուժային մրցումներ և այլն, որոնց նպատակը երիտասարդության շրջանում առողջ ապրելակերպի քարոզումն ու դրա իրագործումն է:

Բնականաբար, միջազգային ֆորումը, որտեղ հավաքված են երիտասարդներ տարբեր երկրներից, չէր կարող չընթնալ առանց մշակութային միջոցառումների: Նմանատիպ միջոցառումները նպատակ ունեն միմյանց ի ցույց դնել տարբեր երկրների մշակույթները, հոգևոր և նյութական արժեքները:

Ֆորումի արտերկրյա մասնակիցների համար այս ընթացքում կազմակերպվել են նաև տարբեր էքսկուրսիաներ Հայաստանի տեսարժան վայրեր: Մասնավորապես, ֆորումի մասնակիցները այցելել են Սևան, Դիլիջան, Գառնի, որտեղ արտերկրյա մասնակիցները հնարավորություն ունեն տեսնել Հայաստանի բնության գեղատեսիլ պատկերները, հիանալ տարբեր ճարտարապետական նմուշներով: Էքսկուրսիաներ են կատարվում նաև դեպի մայրքաղաք Երևան:

Ընդհանրապես, ֆորումը անցնում է ջերմ և ուրախ մթնոլորտում, մասնակիցների բարձր և ուրախ տրամադրությամբ: Անմիջապես զգացվում է, որ երիտասարդությանը բնորոշ ներքին ավյունը և շփման ունակությունը այստեղ բարենպաստ ազդեցություն են ունեցել: Առաջին հայացքից նույնիսկ դժվար է նկատել, որ այստեղ հավաքվել են տարբեր երկրների և ազգերի ներկայացուցիչներ, որոնց գերակշիռ մասն առաջին անգամ են իրար տեսնում:

“Multi Rest House” հյուրանոցային համալիրում ստեղծված են բոլոր անհրաժեշտ պայմանները, որպեսզի ֆորումը ընթանա բարձր մակարդակով և լինի արդյունավետ:

«ԾԱՂԿԱՁՈՐ 2011» ՄԻՋԱԶԳԱՅԻՆ ԵՐԻՏԱՍԱՐԴԱԿԱՆ ՖՈՐՈՒՄԻ ՄԵԿՆԱՐԿԸ ՏՐՎԱԾ Է

bargavach — Sun, 21 Aug 2011 21:02:33 +0000

ԱՊՀ երկրների միջազգային երիտասարդական կրթական ֆորումը, որն անց է կացվում ԲՀԿ նախագահ Գագիկ Ծառուկյանի հովանու ներքո, պաշտոնապես մեկնարկեց Ծաղկաձորում: Բացման հանդիսավոր արարողությանը ներկա էին բարձաստիճան պաշտոնյաներ Հայաստանից և հյուրեր ԱՊՀ երկրներից: ԲՀԿ նախագահ Գագիկ Ծառուկյանը ողջունեց ֆորումի մասնակիցներին` նշելով, որ նման միջոցառումը լավ խթան է հանդիսանում երիտասարդությանը շփվելու, նոր կապեր և ծանոթություններ հաստատելու, ավելի երկարաժամկետ համագործակցության նոր ծրագրեր մշակելու համար:

«Մեր փոխարինողները մեր երիտասարդներն են, և մենք պատրաստ ենք աջակցելու, հնարավորություն ընձեռելու, որ կյանքի կոչվեն մեր երիտասարդների բոլոր գաղփարներն ու ծրագրերը», – նշեց ԲՀԿ առաջնորդը` ցանկանալով բոլորին բարձր տրամադրություն, լավ հանգիստ, բեղմնավոր աշխատանք և լավ հիշողություններ:

Բացման արարողության ժամանակ ֆորումի մասնակիցներին ռուսական բարձրաստիճան պատվիրակության կողմից շնորհավորական խոսք հնչեցվեց նաև Ռուսաստանի Դաշնության ղեկավարության, մասնավորապես` վարչապետ Վլադիմիր Պուտինի և ՌԴ Պետական Դումայի նախագահ Բորիս Գռիզլովի անունից:

«Ձեր ֆորումը խոստանում է լինել պահանջված և շատ դեպքերում յուրահատուկ հարթակ հանդիսանալ հետաքրքիր հանդիպումների ու արդյունավետ քննարկումների կազմակերպման համար` տաղանդավոր, նախաձեռնող, մասնագիտական հաջողություններին ձգտող տարբեր երկրներից ժամանած երիտասարդության կողմից: Վստահ եմ, որ նման հագեցած աշխատանքային օրակարգը, ոչ ֆորմալ, ընկերական շփման համար լայն հնարավորությունները լավ նախադրյալ կհանդիսանան լուրջ, իսկապես նորարարական առաջարկությունների մշակման համար: Ցանկանում եմ ձեզ վառ տպավորություններով լի հիշողություններ և ամենայն բարին», – ասված է ուղերձում:

Գագիկ Ծառուկյանի հովանու ներքո առաջին անգամ Հայաստանում օգոստոսի 20-30-ը անց է կացվում «Ծաղկաձոր 2011» ԱՊՀ երկրների միջազգային երիտասարդական կրթական ֆորումը: Ֆորումն անցկացվելու է 4 ուղղություններով և 4 հերթափոխով` ԱՊՀ երիտասարդների համագործակցություն, Երիտասարդ քաղաքական գործիչներ, Սոցիալական ցանցեր և երիտասարդական քաղաքականություն, ԱՊՀ դիտորդներ:

Ֆորումին կմասնակցեն մոտ 1000 երիտասարդներ և հյուրեր ԱՊՀ երկրների իշխող կուսակցությունների երիտասարդական թևերից և երիտասարդական հասարակական կազմակերպություններից: Ֆորումն անցկացվելու է Ծաղկաձորի «Multi Rest House» հյուրանոցային համալիրում: Ֆորումի ընթացքում նախատեսված են դասընթացներ, սեմինարներ, շնորհանդեսներ, էքսկուրսիաներ, մրցույթներ, ժամանցային ծրագրեր և այլն:

ԳԱԳԻԿ ԾԱՌՈՒԿՅԱՆՆ ԸՆԴՈՒՆԵՑ «ԾԱՂԿԱՁՈՐ 2011» ՄԻՋԱԶԳԱՅԻՆ ԵՐԻՏԱՍԱՐԴԱԿԱՆ ՖՈՐՈՒՄԻ ՆԵՐԿԱՅԱՑՈՒՑԻՉՆԵՐԻՆ

bargavach — Fri, 19 Aug 2011 18:53:02 +0000

«Բարգավաճ Հայաստան» Կուսակցության նախագահ Գագիկ Ծառուկյանն այսօր ընդունեց «Ծաղկաձոր 2011» ԱՊՀ երկրների միջազգային երիտասարդական կրթական ֆորումի ներկայացուցիչներին: ԲՀԿ առաջնորդը ողջունեց մասնակիցներին` մաղթելով նրանց լավ հանգիստ, արդյունավետ աշխատանք ու նորանոր հաջողություններ: «Ես կարծում եմ, որ դուք այսուհետ ավելի հաճախ կայցելեք Հայաստան, և ձեր տպավորությունները կլինեն ամենաբարձր մակարդակի», – նշեց Գագիկ Ծառուկյանը` մաղթելով, որ տարեցտարի նման միջոցառումները լինեն ավելի հաճախակի:

«Երիտասարդներն են մեր վաղվա ապագան: Երիտասարդությունը պետք է զգա իր թիկունքում հուսալի աջակցություն և վստահություն, և նման շփումներն արդեն իսկ հնարավորություն են ընձեռում էլ ավելի ամրապնդել հարաբերությունները», – հավելեց ԲՀԿ նախագահը:

Ս.թ. օգոստոսի 20-30-ը «Բարգավաճ Հայաստան» Կուսակցության նախագահ Գագիկ Ծառուկյանի հովանու ներքո առաջին անգամ Հայաստանում կանցկացվի «Ծաղկաձոր 2011» ԱՊՀ երկրների միջազգային երիտասարդական կրթական ֆորումը: Ֆորումն անցկացվելու է 4 ուղղություններով և 4 հերթափոխով` ԱՊՀ երիտասարդների համագործակցություն, Երիտասարդ քաղաքական գործիչներ, Սոցիալական ցանցեր և երիտասարդական քաղաքականություն, ԱՊՀ դիտորդներ:

Գագիկ Ծառուկյանը հանդիպեց Ուկրաինայի Գերագույն ռադայի նախագահին

bargavach — Tue, 12 Jul 2011 15:57:35 +0000

Պաշտոնական այցով Հայաստանում գտնվող Ուկրաինայի Գերագույն ռադայի նախագահ Վլադիմիր Լիտվինը հանդիպել է “Բարգավաճ Հայաստան” կուսակցության նախագահ Գագիկ Ծառուկյանին:

Ողջունելով ուկրաինական պատվիրակության անդամներին՝ Գագիկ Ծառուկյանը կարևորել է երկկողմ հարաբերությունների զարգացման գործում միջխորհրդարանական համագործակցության անհրաժեշտությունը:

Որպես հայ-ուկրաինական պատգամավորական բարեկամության խմբի ղեկավար՝ ԲՀԿ նախագահն իր պատրաստակամությունն է հայտնել ամեն կերպ աջակցել երկու երկրների միջև քաղաքական, տնտեսական ու հումանիտար կապերի խորացմանը:

Այնուհետև, Գ. Ծառուկյանի ուղեկցությամբ ուկրաինական պատվիրակության անդամներն այցելել են Երևանի “Արարատ” կոնյակի, գինու և օղու կոմբինատի թանգարան, ծանոթացել հայկական կոնյակագործության ավանդույթներին:

Վերջում, ի պատիվ բարձրաստիճան հյուրերի, Գ. Ծառուկյանի անունից պաշտոնական ճաշ է տրվել:

Գագիկ Ծառուկյանը մասնակցեց ԿՄԱ շրջանավարտների պարգևատրմանը

bargavach — Fri, 08 Jul 2011 00:00:28 +0000

“Բարգավաճ Հայաստան” կուսակցության նախագահ Գագիկ Ծառուկյանն այսօր ներկա է գտնվել Կրթության միջազգային ակադեմիայի շրջանավարտների պարգևատրման արարողությանը: Շնորհավորելով նրանց` ԲՀԿ առաջնորդը կարևորել է շրջանավարտների կյանքի նոր փուլի նորամուտը և մաղթել առողջություն, կամք, եռանդ և հաջողություն. “Հարկավոր է կամենալ, ձգտել և աշխատել և դուք կհասնեք նրան, որ անհնարինը դառնա հնարին”, – նշեց նա:

Միջոցառման ժամանակ Գագիկ Ծառուկյանը նվեր մատուցեց շրջանավարտներին` Ակադեմիան ավարտողներին տրամադրելով 5-օրյա անվճար հանգիստ սքանչելի Ծաղկաձորում, իսկ այն շարունակողներին` կրթավճարների դիմաց ֆինանսական աջակցություն:

Կրթության միջազգային ակադեմիայի այս տարվա շրջանավարտների շարքում էին բժիշկներ, տնտեսագետներ, իրավագետներ, միջազգայնագետներ, մանկավարժներ, հոգեբաններ, օտար լեզվի մասնագետներ: Ընդհանուր ԿՄԱ-ն, ի դեմս Երևանի “Հայբուսակ” համալսարանի, իր 20-րդ ամյակին տվել է 1322 շրջանավարտ:

Գագիկ Ծառուկյանն ընտրվեց Հայ-Ռուսական Հասարակական Կազմակերպությունների Միության նախագահ

bargavach — Sat, 25 Jun 2011 13:45:45 +0000

“Բարգավաճ Հայաստան” կուսակցության առաջնորդ Գագիկ Ծառուկյանն այսօր ընտրվեց Հայ –Ռուսական Հասարակական Կազմակերպությունների միության նախագահ:

Նա շնորհակալություն հայտնեց Միության անդամներին հավատքի և վստահության համար` նշելով Միության զարգացման և ամրապնդման գործում ջանք ու եռանդ չխնայելու և իր խորին պատրաստակամության մասին:

Հանդիպման վերջում ԲՀԿ նախագահը ցանկացավ մասնակիցներին հաջողություն և բեղմնավոր աշխատանք: Հայ- Ռուսական Կազմակերպությունների Միությունն այսօր անցկացրեց իր հիմնադիր համագումարը: Հայ-Ռուսական կազմակերպությունների միությունը ստեղծվել է` նպատակ ունենալով միավորելու և զարգացնելու Հայաստանի Հանրապետության և Ռուսաստանի Դաշնության Հասարակական կազմակերպությունների կապերն ու նախաձեռնությունները:

ՀԱՕԿ նախագահը մասնակցեց վազքարշավի պաշտոնական մեկնարկին

bargavach — Sat, 25 Jun 2011 10:37:48 +0000

ՀԱՕԿ նախագահ Գագիկ Ծառուկյանը մասնակցեց վազքարշավի 2011թ. մրցաշարի պաշտոնական մեկնարկմանը: Բացմանը ներկա էին Սպորտի և երիտասարդության հարցերի նախարար Արթուր Պետրոսյանը, Մարմնամարզության ֆեդերացիայի նախագահ Ալբերտ Ազարյանը և սպորտի բնագավառի այլ գործիչներ:

Գագիկ Ծառուկյանը շնորհավորեց մրցաշարի մասնակիցներին և ցանկացավ հաղթանակ և նորանոր հաջողություններ

ԳԱԳԻԿ ԾԱՌՈՒԿՅԱՆԸ ՀԱՆԴԻՊԵՑ ԲՀԿ ԵՐԻՏԱՍԱՐԴ ԽՈՐՀՐԴԱՐԱՆԱԿԱՆՆԵՐԻ ՀԵՏ

bargavach — Thu, 23 Jun 2011 15:48:34 +0000

«Բարգավաճ Հայաստան» կուսակցության նախագահ Գագիկ Ծառուկյանն այսօր ընդունեց Հայաստանի Երիտասարդական խորհրդարանի ԲՀԿ խմբակցության անդամներին: Ողջունելով երիտասարդ կուսակիցներին` ԲՀԿ առաջնորդն ցանկացավ միասնական և բեղմնավոր աշխատանք Երիտասարդ Խորհրդարանի գործունեության շրջանում:

Երիտասարդական խորհրդարանի ձևավորման մասին որոշումը հրապարակվել է 2011թ.-ի մարտի 28-ին։ Երկփուլ քննության արդյունքում հրապարակվել է Երիտասարդական խորհրդարանի պատգամավորների ցուցակը: Առաջին նիստը տեղի է ունեցել հունիսի 1-ին։

Արդյունքում ընտրվել է 131 պատգամավոր, որոնցից 39-ին առաջադրվել են Ազգային ժողովում ներկայացված խմբակցություններից, 50 տեղ հատկացված է պետական բուհերին, 20 տեղ` մարզերին, 22 տեղ նախատեսված է ինքնառաջադրվող երիտասարդների համար: Նախնական տվյալների համաձայն` խորհրդարանում կգործի 12 հանձնաժողով: Երիտասարդական խորհրդարանը նախագահ չի ունենա. այն ռոտացիոն սկզբունքով կղեկավարեն հանձնաժողովների նախագահները:

100 ՄԻԼԻՈՆ ՄՇԱԿՈՒՅԹԻ ԲՆԱԳԱՎԱՌԻՆ

bargavach — Wed, 22 Jun 2011 11:21:09 +0000

ԲՀԿ նախագահ Գագիկ Ծառուկյանն նախօրեին հանդիպեց մշակույթի ոլորտի անվանի գործիչների հետ: Հանդիպման ժամանակ քննարկվեցին մշակույթի բնագավառին վերաբերող մի շարք հարցեր և ներկայացվեցին այդ ոլորտի առավել խոցելի կողմերը:

Մշակութային գործիչները խոստացան ներկայացնել մշակույթի ոլորտի զարգացմանն ուղղված ծրագրեր: Հանդիպմանը ներկա էին մշակույթի բնագավառում այնպիսի անվանի գործիչներ, ինչպիսինն են Վանուշ Խանամիրյանը, Ջիվան Գասպարյանը, Գուժ Մանուկյանը, Կարեն Ջանիբեկյանը:

Ծրագրերի իրականացման նախնական փուլի համար Գագիկ Ծառուկյանը տրամադրեց 100 միլիոն դրամ: Հանդիպման ավարտին նախաձեռնողները Գագիկ Ծառուկյանին հանձնեցին շնորհակալագիր՝ մշակութային ոլորտի զարգացմանն ուղղված նշանակալից աջակցություն ցուցաբերելու համար:

ԳԱԳԻԿ ԾԱՌՈՒԿՅԱՆԸ ՊԱՐԳԵՎԱՏՐԵՑ ԵՎՐՈՊԱՅԻ ՉԵՄՊԻՈՆԻՆ

bargavach — Tue, 21 Jun 2011 19:10:43 +0000

ՀԱՕԿ նախագահ և ԲՀԿ առաջնորդ Գագիկ Ծառուկյանն այսօր հյուրընկալեց Հայաստանի Բազկամարտի Ֆեդերացիայի անդամներին, մասնավորապես` 27-ամյա Վլադիմիր Մնացականյանին, ով սույն թվականի մայիսի 14-ին Թուրքիայում կայացած Եվրոպայի առաջնությանը մեծահասակների պայքարում գրավել է 1-ին տեղը` առաջ անցնելով Ռուսաստանի և Թուրքիայի մարզիկներից:

Գագիկ Ծառուկյանը ողջունելով չեմպիոնին` պարգևատրեց նրան 1 մլն. դրամով և մինչև հաջորդ առաջնություն` ամսեկան 100.000 դրամ թոշակով:

ԲՀԿ նախագահը հանդիպեց բնապահպանների հետ

bargavach — Tue, 21 Jun 2011 14:37:15 +0000

«Բարգավաճ Հայաստան» կուսակցության նախագահ Գագիկ Ծառուկյանն այսօր ընդունեց բնական գիտությունների ներկայացուցիչներին` էկոլոգիայի ոլորտի գիտնականներին և դասախոսներին: Մեր օրերում դժվար է գտնել ավելի կարևոր հիմնահարց, քան շրջակա միջավայրի էկոլոգիական անվտանգությունը:

Հայաստանի տնտեսական և սոցիալական զարգացումը աչքի է ընկնում ՝

բնական ռեսուրսների միանպատակ օգտագործմամբ
հումքի վաճառքի խոշոր ծավալներով,
արտադրություններն ինտենսիվ շահագործում են բնությունը,տեխնիկական համակարգը հուսալի չէ,
բնակչությունը կենտրոնացված է մայրաքաղաքում,
ունենք տարերային և մարդածին վթարներ, աղետներ և աղքատություն:

Բազմաթիվ երկրներում էկոլոգիական քաղաքականությունը, սոցիալական և տնտեսական քաղաքականության հետ նույն մակարդակի վրա ներառված է կուսակցությունների քաղաքական ծրագրերում:

Արտերկրում վաղուց արդեն առաջատար և ուժեղագույն կուսակցությունները գիտակցելով էկոլոգիական անվտանգության խնդիրները կարևորությունը, նոր աշխատատեղերի ստեղծման, կոռուպցիայի վերացման, թափանցիկության, ընտանիքի խնդիրների, բնակարանային պայմանների, գիտության, տնտեսության մրցունակության հիմնախնդիրներին զուգահեռ նույնչափ կարևորում են էկոլոգիապես մաքուր արտադրանքի, այլընտրանքային էներգետիկայի և այլ էկոլոգիական հիմնախնդիրը:

«Բարգավաճ Հայաստան» կուսակցությունը կիսելով մեր քաղաքացիների մտահոգությունները շրջակա միջավայրի պաշտպանության հարցերում ցանկանում է ձեռնամուխ լինել ՀՀ էկոլոգիական հիմնախնդիրների շուրջ ԲՀԿ դիրքորոշման ձևավորման, կուսակցության ծրագրում էկոլոգիական դրույթների մշակման գործին: Հանդիպման ժամանակ քննարկվեցին երկրի էկոլոգիայի ոլորտին առնչվող մի շարք խնդիրներ: Բարձրացվեցին նաև հարցեր` կապված գիտակրթական ոլորտի զարգացման հետ: ԲՀԿ նախագահի առաջարկությամբ կողմերը համաձայնվեցին մոտակա ամիսներին ներկայացնել համառոտ զարգացման ծրագրեր` երկրի էկոլոգիայի խնդիրների լուծման ուղղությամբ:

Հայտնում ենք պատրաստակամություն աջակցելու շրջակա միջավայրի պաշտպանության կրթական ծրագրերին, բնապահպանական նախաձեռնություններին, այս բնագավառում կազմակերպությունների գործունեությանն ու միջազգային համագործակցության ծրագրերին:

Ի պատասխան ապատեղեկատվություններին….

bargavach — Sat, 18 Jun 2011 11:00:28 +0000

Նախընտրական քարոզարշավը դեռ չի սկսել, բայց արդեն սոցանցերով տարածվում են նյութեր, որոնց բնույթից զգացվում է, որ դրանք հետապնդում են հստակ և անթաքույց նպատականեր: Վերջերս հասարակության ուշադրությունը ամբողջությամբ գրաված իշխանություն-ընդդիմություն երկխոսության կողքին նկատվում են ապատեղեկատվություններ, որոնք ուղղված են Հայաստանյան քաղաքական դաշտում առանցքային դերակատարում ունեցող գործիչներից մեկի` Գագիկ Ծառուկյանի դեմ:

Մի քանի օր առաջ ինտերնետում տեսահոլովակ էր դրվել Գագիկ Ծառուկյանի վերաբերյալ, որը իրենից ներկայացնում էր նպատակաուղղված հակաքարոզչություն: Նյութը, որը ներակայցվում էր ռուսերեն լեզվով տեքստի ուղեկցությամբ, պարունակում էր ապատեղեկատվություն այն մասին, որ Գագիկ Ծառուկյանի գործունեությունը կասեցնում է Հայաստանում տնտեսության զարգացմանը և այլն (և սա այն դեպքում, երբ նա այն բացառիկ խոշոր գործարարներց է, որը չունի որևէ մենաշնորհ հայաստանյան շուկայում): Ավելին, տեսահոլովակի մեջ անդրադաձ էր կատարվում այն մասին, որ Գագիկ Ծառուկյանը ճնշում գործադրելով` ստիպում է արտասահմանյան գործարարներ-գործընկերներին հրաժարվել հայաստանյան բիզնեսի իրենց մասնաբաժնից` դուրս մղելով նրանց այդ ոլորտից:

Այս անհիմն մեղդարանքներին նույնիսկ անդրադառնալն ու հերքելն իսկ անիմաստ է: Բավական է միայն նշել, որ բոլոր այն անձինք ովքեր ծանոթ են Գագիկ Ծառուկյանի գործունեությանը և լսել են նրա առատաձեռնության և յուրաքանչյուր անձին օգնելու պատրաստակամության մասին, անմիջապես հենց իրենք կհերքեին այս ստահոդ լուրերը:

Իսկ եթե կգտնվեն մարդիկ, ովքեր, այնումանեյանիվ կապացուցեն, որ որ եղել են գործարարաներ, ովքեր տուժել են Գագիկ Ծառուկյանի գործունեությունից, ապա տասնապատիկը Ծառուկյանը նրանց կտա:

Ի դեպ, նշենք, որ այն ինվեստորները, որոնք այսօր փորձում են այս տեսահոլովակի միջոցով ապատեղեկատվություն տարածել Գագիկ Ծառուկյանի մասին, եղել են “Նոյ-Արարատ” կոնյակի գործարանի ընդամենը 1.5 տոկոս բաժնետոմսերի սեփականատեր, բայց նույնիսկ իրենց չնչին բաժնեմասի չափով ներդրումներ չեն կատարել այս գործարանի համար: Ներդրումների ամբողջ ծավալը` 100 տոկոսով իրականացրել է Գագիկ Ծառուկյանը: Իսկ թե ինչ է եղել “Նոյ-Արարատ” գործարանը մինչև Գագիկ Ծառուկյանի կողմից ներդրումների կատարումը և ինչ է հիմա, բավական է միայն կրկին նայել այս նկարներին և ամեն ինչ պարզ կլինի: Միայն այն փաստը, որ “Նոյ-Արարատը”` լինելով ավերակ, այժմ վերածվել է Կրեմլի պաշտոնական մատակարարի, ինչը բացառիկ պատիվ է յուրաքանչյուր գործարանի համար:

ՄՈՏ 100 ԵՐԻՏԱՍԱՐԴ ԳԻՏՆԱԿԱՆՆԵՐ ՊԱՐԳԵՎԱՏՐՎԵՑԻՆ ԳԱԳԻԿ ԾԱՌՈՒԿՅԱՆԻ ԿՈՂՄԻՑ

bargavach — Fri, 10 Jun 2011 18:52:02 +0000

«Պահանջում ենք գիտության ֆինանսավորման ավելացում» խմբի նախաձեռնությամբ այսօր կայացավ երիտասարդ գիտնականների երկրորդ հանդիպումը «Բարգավաճ Հայաստան» կուսակցության նախագահ Գագիկ Ծառուկյանի հետ:

Հանդիպման ընթացքում 95 երիտասարդ գիտնականներին ԲՀԿ նախագահը շնորհեց 100-500 հազարական դրամի չափով պարգևներ:

Պարգևատրման ժամանակ Գագիկ Ծառուկյանը նշեց, որ միջոցառումն ունենալու է շարունակական բնույթ և գտնվելու է իր մշտական ուշադրության կենտրոնում: Միևնույն ժամանակ կարևորելով համաշխարհային գիտության ոլորտում հայրենի երկրի անունը բարձր պահելու պատասխանատու առաքելությունը` ԲՀԿ նախագահն իր խոսքում նշեց, որ երիտասարդները երկրի ապագան են և մաղթեց նրանց նորանոր նվաճումներ ու հաղթանակներ գիտության ասպարեզում:

Մեկնարկեց «Ա.Ազարյանի անվան գավաթ» միջազգային մրցաշարը

bargavach — Fri, 10 Jun 2011 04:37:07 +0000

Այսօր Ա.Ազարյանի անվան ՕՀՄՄ մարզադպրոցում մեկնարկեց «Ալբերտ Ազարյանի անվան գավաթ»միջազգային մրցաշարը:

Մրցաշարի բացմանը ներկա էր ՀԱՕԿ նախագահ Գագիկ Ծառուկյանը, ով ողջունեց մրցաշարի մասնակիցներին և ցանկացավ հաջողություն ու նորանոր ձեռքբերումներ:

Մրցաշարի բացման ժամանակ 14-ամյա Հայկ Պետրոսյանը պտտաձողի վրա կատարելով 386 պտույտ՝ սահմանեց նոր միջազգային ռեկորդ, որն էլ նվիրվեց ՀԱՕԿ նախագահ Գագիկ Ծառուկյանին, որին ի պատասխան ՀԱՕԿ նախագահը ռեկորդակրին նվիրեց ավտոմեքենա ՝ մաղթելով նոր հաղթանակներ և նվաճումներ:

Մրցաշարի ընթացքում Մարմնամարզության Ֆեդերացիայի նախագահ Ալբերտ Ազարյանը ՀԱՕԿ նախագահին նվիրեց իր գավաթներից մեկը: